Follow Us :
ඉලෙක්ට්‍රික් කාර් මිල වැඩි කිරීම සාධාරණද ?

මෙවර අයවැයෙන් විදුලි ආරෝපණයෙන් ධාවනය වන නිසාන් ලීෆ් කාර් එකක මිල ඉතා අසාධාරණ අයුරින් වැඩි කරලා තියෙනවා. ඒ ගැන රජය දක්වන හේතුව නම් වැඩි වෙන විදුලි ඉල්ලුම සැපැයීමේ අපහසුව සහ ඒ සදහා තාප ශක්තිය හෝ තවත් ජල විදුලි බලාගාර ඉදිකරෝතින් සිදුවන පාරිසරික විනාශය. කතාව ඇත්ත. අපි වගේ රටකට ඒක දරාගන්න බෑ. එහෙනම් අපි මිල වැඩි කරාම හරි කියන එක මුල් ළමාවිය සංවර්ධනය නොවුන ළදරුවෙක් ගේ කතාවක්.

අපි මුලින්ම බලමු මේ කාර් එකේ අපිට තියෙන වාසිය මොකද්ද කියලා. මගේ හිතවත් කිහිප දෙනෙක්ම හයිබ්‍රීඩ් ගන්න ගිහින් මගේ පූර්ණ දිරිගැන්වීම මත නිශාන් ලීෆ් කාර් ගත්තා. ඒ වගේම මගේ වෘතීය සහකරුවෙකුත් ඒකට ප්‍රොමෝට් කරා. ඒ අයගේ මාස තුනකට ආසන්න අත්දැකීම් අනුව, වරක් ආeco-carරෝපනයෙන් 2015 Nissan Leaf රථයක් කිලෝමීටර 180කට වඩා දුරක් A/C සහිතව දාවනය කරන්න පුලුවන්. ඒ වගේම දිනපතා කොළඹ යන අක්කාට රුපියල් 15 000කට අධික (පෙට්‍ර‍ල් වියදමින් 75%ක් ඉක්මවූ) ඉතිරියක් මාසිකව දැන් තියෙනවා. සේවා වියදම් නඩත්තු වියදම් නොමැති වීමත් තවත් වාසියක්. අපේ හුගක් අය ඉලෙක්ට්‍රික් කියපු ගමන් බය වුනාට දැනටමත් ලංකාව පුරා චාර්ජින් සෙන්ටර් 100කට වඩා තියෙනවා. එයින් 85%ක් පමන පැය 4කින් සම්පූර්ණ චාර්ජ් කිරීමට හැකි ඒවා සහ 15% ක් පමන විනාඩි 20න් 80%ක් චාර්ජ් කරන්න පුලුවන්. ඉක්මන් චාජරය (44kwh) ක මිලියන 4ක් පමණ වන අතර 6.6 kwh පැය 4 චාජරයක් රුපියල් ලක්ෂ එකහමාරක් පමණ වෙනවා. මේ සදහා ආයෝජනය කරන පිරිස දිනෙන් දින ඉහල යන බව පේන්න තියෙනවා. නමුත් කාර් එකට ලක්ෂ පනහක් වියදම් කරා නම් ඔය වාසි එකක් වත් වැඩක් නෑ.

මොකද්ද දැන් විදුලි ඉල්ලුමට විසදුම, ඒකට අමුතුවෙන් හොයන්න දෙයක් නෑ. නිසාන් සමාගම ම වාහනයේ නමත් එක්කම පැහැදිලි කරලා තියෙනවා. Zero Emission කියලා කියන්නේ පෙට්‍රෝල් පුච්චලා විදුලිය හදලා ඒකෙන් දුවන එක නෙමෙයි. ගෙදරට සූර්‍ය ශක්ති විදුලි ජනකයක් සවි කරලා ඒ මගින් දාවනය කිරීමෙන්. සරළවම අපි වගේ සමකාසන්න රටකට ඒක හරිම ප්‍රායෝගිකයි. අපි දේශීය සැපයුම් කරුවන්ගෙන් කරපු මිල කැදවීම් බැලුවාම දැනගන්න ලැබුනා 5kw සූර්‍ය ශක්ති විදුලි ජනකයක මූලික පිරිවැය ලක්ෂ අට හමාරත් දහයත් අතර වෙනවා. ඒ අනුව අපිට කරන්න තිබුනේ Leaf එක ගන්න එකාට පොල්ලෙන් ගහන එක නෙමෙයි, උන්ට සෝලා පවර් සිස්ටම් එකක් ගන්න ලීසින් එකක් දෙන එක. සොලා සිස්ටම් වලට තියෙන බදු අඩු කරන එක. ග්‍රිඩ් සිස්ටම් එකක් ගත්තා නම් වැඩිපුර ජනනය වෙන සැපයුම ජාතික සැපයුමට සපයන්නත් ඒ මගින් මුදලක් උපයාගන්නත් වාහන කාරයාට පුලුවන් වෙනවා. ලීෆ් එකක් ගන්න එකාට සෝලා පවර් අනිවාර්‍ය කරන්න රජයක් හැටියට පුලුවන්. වසරකට එක් වාහනයකට තෙල් ගේන්න රජයට වැය වෙන ලක්ෂයකට අධික වියදම මේකෙන් අඩුවෙනවා. දුම එජින් ඔයිල් නිසා සිදුවෙන පරිසර හානිය අවම වෙනවා වගේම ජාතික විදුලි සැපයුමත් තව ශක්තිමත් වෙයි.

මතක තියාගන්න ලංකාවේ ආන්ඩුවක් වෙනස් කරන්න FB එකට පුලුවන් බව රටේ විධායක ජනාධිපතිත් පිළිගෙන තියෙනවා. මත්පැන් තහනම් කරොත් ආණ්ඩුව පෙරළනවා කියා කියුවා නම් Leaf එකත් ආන්ඩුව පෙරළන මාතෘකාවක් වෙන බව ආණ්ඩුවට කියාදෙන එක ඔයාලාගේ වැඩක්.

Source: Adaderana News

1 Comment| Loginto comment

  • Web Master  commented on  1/5/16 11:16pm

    ඉලෙක්ට්‍රික් කාර් තීරු බද්ද වැඩි නොකිරීමට තීරණයක්

    ඉලෙක්ට්‍රික් මෝටර් රථ සඳහා පනවා තිබූ 5% තීරු බදු ගාස්තුව, 2016 අයවැය යෝජනා අනුව 50% දක්වා ඉහළ නැංවීම අවලංගු කිරීමට පසුගියදා පැවති කැබිනට් ඇමති හමුවේදී ජනාධිපතිවරයා විසින් යෝජනා කර තිබේ. මේ සම්බන්ධයෙන් සම කැබිනට් ප්‍රකාශක ගයන්ත කරුණාතිලක මහතා පවසා ඇත්තේ පාර්ශව ගණනාවකින් කෙරුණු ඉල්ලීම් සලකා බලා මෙම තීරණය ගැනීමට රජය පියවර ගත් බවයි.

    මේ සම්බන්ධයෙන් අද දෙරණ Biz ශ්‍රී ලංකා වාහන ආනයනකරුවන්ගේ සංගමයේ සමසභාපති කෝකිල දීකිරිවැව මහතාගෙන් විමසීමක් කරන ලදී. එහිදී ඒ මහතා මෙසේ සිය අදහස් දැක්වීය.

    “පසුගිය සතියේ කැබිනට් මණ්ඩල රැස්වීමේ දී ඉලෙක්ට්‍රික් වාහන ආනයනය සම්බන්ධයෙන් පනවා ඇති 50% තීරුබදු ගාස්තුව ඉවත් කිරීමට යෝජනාවක් ජනාධිපතිතුමන් විසින් කර තිබෙනවා. මෙම යෝජනාව බලාත්මක වීමට නම් මුදල් ඇමතිවරයාගේ අනුමැතිය ඊට හිමිවිය යුතුයි.“

    “මෙලෙස බදු සංශෝධනයක් සිදුවනවා නම් නිෂ්පාදන විශේෂ බදු විධිවිධාන පනතේ 3C උපවගන්තිය යටතේ මුදල් අමාත්‍යවරයා ඒ බව රේගුවට ඒ බව දැනුම් දිය යුතුයි. එය අත්සන් කිරීමේ බලය ඇත්තේ මුදල් ඇමතිවරයාට පමණයි. තම දැනුම පරිදි මුදල් අමාත්‍යවරයා මේ වන විටත් පසුවන්නේ විදේශගතවය. මුදල් අමාත්‍යවරයා විදේශගතව සිටින බැවින් එවැනි නියෝගයක් මේ දක්වා සිදුවී නැති බව දැනගන්නට ලැබී තිබෙනවා“, යැයි ඒ මහතා වැඩිදුරටත් කියා සිටියේය.

    Source: http://biz.adaderana.lk

Members' Area & Go!
Recent Comments
  • Recent Comments
  • Facebook Activity
    Cars for sale in Sri Lanka | Car Price in Sri Lanka - Carmudi
    Twiter Activity